Երևանի քաղաքապետարանի արտաքին կապերի վարչության պետ Դավիթ Գևորգյանը հանդիպել է Աշգաբաթի փոխքաղաքապետ Յազգելդի Բեգմուրադովի հետ

25 մայիսի, 2026

2026 թվականի մայիսի 24-25-ը Երևանի քաղաքապետարանի արտաքին կապերի վարչության պետ Դավիթ Գևորգյանը մասնակցել է Աշգաբաթում կայացած «Սպիտակ քաղաք Աշգաբաթ» XXV միջազգային ցուցահանդեսին և համաժողովին։

Միջոցառման շրջանակներում Դավիթ Գևորգյանը հանդիպել է Աշգաբաթի փոխքաղաքապետ Յազգելդի Բեգմուրադովի հետ։ Զրույցի ընթացքում կողմերը քննարկել են երկկողմ համագործակցության հարցեր, ինչպես նաև երկու մայրաքաղաքների միջև տարբեր ոլորտներում փոխադարձ հետաքրքրություն ներկայացնող համագործակցության զարգացման հեռանկարները։

Հանդիպման ընթացքում Դավիթ Գևորգյանը փոխանցեց Աշգաբաթի քաղաքապետ Ռահիմ Գանդիմովին ուղղված Երևանի քաղաքապետ Տիգրան Ավինյանի շնորհավորական ուղերձը՝ Աշգաբաթի հիմնադրման տարեդարձի կապակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր