ՀԱՆԴԻՊՈՒՄ ԹՈՒՐՔՄԵՆՍՏԱՆԻ ՄԵՋԼԻՍԻ ՆԱԽԱԳԱՀԻ ՀԵՏ

17 հունվարի, 2025

2025 թվականի հունվարի 17-ին տեղի է ունեցել հանդիպում Թուրքմենստանի Մեջլիսի նախագահ Դ.Գուլմանովայի և ՀՀ արտակարգ և լիազոր դեսպան Արսեն Ավագյանի միջև։

Մեջլիսի նախագահը շնորհավորել է դեսպանին բարձր դիվանագիտական պաշտոնում նշանակվելու կապակցությամբ և մաղթել մեծ հաջողություններ Թուրքմենստանի և Հայաստանի Հանրապետության միջև հաստատված բարեկամական և համագործակցության հարաբերությունների ամրապնդման գործում։

Դիվանագետին ներկայացվել են անկախ, մշտապես չեզոք Թուրքմենստանի ներքին և խաղաղ արտաքին քաղաքականության հիմնական ուղղությունները, Թուրքմենստանի խորհրդարանի գործունեությունը։

Հանդիպման ընթացքում կողմերը գոհունակությամբ արձանագրել են, որ առկա են լայն հնարավորություններ փորձի փոխանակման համար ազգային օրենսդրության և խորհրդարանական աշխատանքի կատարելագործման, երկու երկրների միջև համագործակցության հնարավորություններին ծանոթանալու, ժողովուրդների միջև բարեկամական հարաբերությունների ամրապնդման համար։

Կողմերը նշել են իրենց պատրաստակամությունը խորհրդարանական դիվանագիտության միջոցով պահպանել միջկառավարական երկխոսությունը՝ հիմնված փոխադարձ հարգանքի, հավասարության և վստահության սկզբունքների վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր