ՀՀ էկոնոմիկայի նախարարի տեղակալ Ավագ Ավանեսյանի և ՀՀ բարձր տեխնոլոգիական արդյունաբերության նախարարի տեղակալ Գեղամ Վարդանյանի Թուրքմենստան այցի վերաբերյալ

27 օգոստոսի, 2019

Ս․թ․ օգոստոսի 26-ից 27-ը աշխատանքային այցով Թուրքմենստանում էին գտնվում ՀՀ էկոնոմիկայի նախարարի տեղակալ Ավագ Ավանեսյանը և ՀՀ բարձր տեխնոլոգիական արդյունաբերության նախարարի տեղակալ Գեղամ Վարդանյանը։

Այցի ընթացքում հանդիպումներ են տեղի ունեցել Թուրքմենստանի ֆինանսների և էկոնոմիկայի նախարար Բատըր Բազարովի, ինչպես նաև արդյունաբերության և հաղորդակցության նախարարի տեղակալ Բայմըրատ Աննամամմեդովի հետ։

Թուրքմենստանի ֆինանսների և էկոնոմիկայի նախարարի հետ հանդիպման ընթացքում կարևորվել են կողմերի համակարգված ջանքերը առևտրաշրջանառության ծավալների ավելացման ուղղությամբ, այդ թվում՝ երկու երկրներում առևտրի տներ հիմնելու միջոցով։

Թուրքմենստանի արդյունաբերության և հաղորդակցության նախարարի տեղակալի հետ հանդիպման ընթացքում Գ․ Վարդանյանը ներկայացրել է Հայաստանի բարձր տեխնոլոգիաների ոլորտի զարգացման միտումները, քննարկվել են հայկական ստարտափների՝ Թուրքմենստանում ներդրման հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր