Հայերը Տաջիկստանում

Հայերը Տաջիկստանում

Հայ համայնքը ներկայիս Տաջիկստանի տարածքում ձևավորվել է 19-րդ դարի երկրորդ կեսին՝ Արցախից, Նախիջևանից, Զանգեզուրից և Պարսկաստանից տեղափոխված հայերից։ Նրանք հիմնականում հաստատվել են մայրաքաղաք Դուշանբեում, ինչպես նաև Աֆղանստանին սահմանակից քաղաքներում։ 20-րդ դարի սկզբին Տաջիկստանում հիմնվել են հայկական կազմակերպություններ, որոնք դադարել են գործել երկրի խորհրդայնացումից հետո։ 1989 թվականի մարդահամարի տվյալներով Տաջիկստանի ԽՍՀ-ում բնակվում էր 5630 հայ։

Խորհրդային Միության փլուզման հետևանքով առաջացած անկայուն քաղաքական վիճակի և հակահայկական տրամադրությունների պատճառով հայերը սկսեցին արտագաղթել Տաջիկստանից։

Ներկայում որոշ գնահատականներով Տաջիկստանում ապրում է շուրջ 1000 հայ։ Նրանց մեծ մասը բնակվում է երկրի մայրաքաղաք Դուշանբեում, մյուսները` Խոջենդում, Կուրգան-Թյուբեում, Ռիգարում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր