Աշգաբաթում նշվել է Շառլ Ազնավուրի 100-ամյակը

28 նոյեմբերի, 2024

Թուրքմենստանի պետական մշակութային կենտրոնի Մուկամների պալատում կայացել է հուշահամերգ՝ նվիրված ֆրանսիացի մեծանուն շանսոնյե Շառլ Ազնավուրի 100-ամյակին։ Միջոցառումը կազմակերպել էր Թուրքմենստանում Հայաստանի դեսպանությունը՝ երկրի մշակույթի նախարարության աջակցությամբ։

Պետական սիմֆոնիկ նվագախումբը՝ Ռասուլ Կլիչևի ղեկավարությամբ, կամերային երգչախումբը և Թուրքմենստանի առաջատար վոկալիստները կատարել են Ազնավուրի 18 հայտնի երգեր, այդ թվում՝ «La Boheme», «She», «Eternal Love» և «Քեզ համար, Հայաստան»։ Ներկայացումները ուղեկցվում էին շանսոնյեի կյանքի ու գործունեության մասին պատմող արխիվային տեսանյութերով։

Համերգը հուզիչ նվիրում դարձավ արտիստին, ում երաժշտությունը միավորում է սերունդներին ու ժողովուրդներին՝ արդիական մնալով այսօր։ Երեկոյի ընթացքում կարևորվել է Հայաստանի և Թուրքմենստանի մշակութային համագործակցությունը, ինչպես նաև Ազնավուրի ստեղծագործության համաշխարհային ճանաչումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր