Թուրքմենստանի տարածք մուտքի և ելքի սահմանափակման վերաբերյալ

19 մարտի, 2020

Հարգելի՛ հայրենակիցներ,

Տեղեկացնում ենք, որ նոր տիպի կորոնավիրուսի (COVID-19) հետագա տարածման կանխարգելման ուղղությամբ ձեռնարկվող միջոցառումների շրջանակներում Թուրքմենստանի կառավարության կողմից ներդրվել է 30-օրյա սահմանափակում (ս․թ․ մարտի 20-ից մինչև ապրիլի 20-ը) օտարերկրյա քաղաքացիների, Թուրքմենստանի քաղաքացիների և քաղաքացիություն չունեցող անձանց կողմից Թուրքմենստանի տարածք մուտքի և ելքի համար։

Թուրքմենստանում գտնվող ՀՀ քաղաքացիներին, որոնք ցանկանում են վերադառնալ հայրենիք, խնդրում ենք շտապ կապ հաստատել Թուրքմենստանում ՀՀ դեսպանության հետ շուրջօրյա գործող թեժ գծի միջոցով՝ (+993) 65 710285: Whatsapp և Viber հավելվածներով կարող եք կապ հաստատել (+993) 65 715002 հեռախոսահամարի միջոցով:

Միաժամանակ, հիշեցնում ենք, որ կորոնավիրուսային հիվանդության (COVID-19) տարածումը կանխարգելող միջոցառումների արդյունավետության բարձրացման նպատակով ՀՀ կառավարությունը որոշում է ընդունել 2020 թվականի մարտի 16-ից մինչև ապրիլի 14-ը Հայաստանի Հանրապետության տարածքում արտակարգ դրություն սահմանելու մասին: Սահմանափակվում է այն օտարերկրացիների մուտքը Հայաստան, ովքեր ժամանում են կորոնավիրուսի էպիդեմիկ բարձր ռիսկային երկրներից /տարածքներից/ կամ այցելել են այդ երկրներ /տարածքներ/ Հայաստան ժամանելուց առնվազն 14 օր առաջ:

Նոր տիպի կորոնավիրուսի վարակով (COVID-19) պայմանավորված իրավիճակի շուրջ ձեռնարկվող քայլերի մասին տեղեկատվությունը հասանելի է հետևյալ հղմամբ` https://www.mfa.am/hy/COVID-19/:

Մաղթում ենք առողջություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր