Թուրքմենստանում ՀՀ դեսպանության մասնակցությունը Ֆրանկոֆոնիայի միջազգային ամսվա շրջանակներում Թուրքմենստանում անցկացվող միջոցառումներին

04 ապրիլի, 2026

Թուրքմենստանում Ֆրանկոֆոնիայի միջազգային ամսվա շրջանակներում տեղի ունեցան մի շարք մշակութային և կրթական միջոցառումներ, որոնց մասնակցել է Թուրքմենստանում Հայաստանի Հանրապետության դեսպանությունը։

Ապրիլի 3-ին Թուրքմենստանի Ֆրանսիական ինստիտուտը՝ Թուրքմենստանում Հայաստանի Հանրապետության դեսպանատան հետ համատեղ կազմակերպեց «Մենք և մեր սարերը» հայկական գեղարվեստական ֆիլմի ցուցադրությունը։ Ֆիլմի ցուցադրությունը Ֆրանկոֆոնիայի ծրագրի մի մասն էր, որն ուղղված էր մշակութային երկխոսության զարգացմանը և միջպետական կապերի ամրապնդմանը։

Ֆիլմը ներկայացվել է հայերենով՝ ֆրանսերեն ենթագրերով։ Հենրիկ Մալյանի ռեժիսորությամբ և Հրանտ Մաթևոսյանի սցենարով ստեղծված ֆիլմը հայկական կինոյի նշանակալի աշխատանքներից մեկն է և մեծ հետաքրքրություն է առաջացրել հանդիսատեսի շրջանում։

Ֆրանկոֆոնիայի ծրագիրը ներառում է նաև ևս երկու հայկական ֆիլմերի ցուցադրություններ՝ ռեժիսոր Բագրատ Հովհաննիսյանի «Աշնանային արև», որը կցուցադրվի մայիսի 5-ին, և ռեժիսոր Միքայել Դովլաթյանի «Լաբիրինթոս», որը նախատեսված է մայիսի 26-ին։

Բացի այդ, ապրիլի 4-ին Թուրքմենստանի արտաքին գործերի նախարարության միջազգային հարաբերությունների ինստիտուտում տեղի ունեցավ Ֆրանկոֆոնիայի միջազգային ամսվա փակման արարողությունը, որի ընթացքում ամփոփվեցին մի շարք մշակութային և կրթական միջոցառումների արդյունքները։

Թուրքմենստանում Հայաստանի Հանրապետության դեսպանությունը ավանդաբար մասնակցել է մրցույթի հաղթողների մրցանակաբաշխության արարողությանը՝ գնահատելով նրանց նվաճումները հուշանվերով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր