Թուրքմենստանի արտաքին գործերի նախարարի տեղակալի հետ հանդիպման մասին

19 դեկտեմբերի, 2024

2024 թվականի դեկտեմբերի 19-ին Թուրքմենստանի արտաքին գործերի նախարարությունում տեղի ունեցավ ԱԳ փոխնախարար Ահմեդ Գուրբանովի և Թուրքմենստանում Հայաստանի Հանրապետության արտակարգ և լիազոր դեսպան Արսեն Ավագյանի հանդիպումը։

Հանդիպման ընթացքում տեղի ունեցավ մտքերի շահագրգիռ փոխանակում դինամիկ զարգացող թուրքմենա-հայկական գործընկերության առաջնահերթ ոլորտների շուրջ։

Փոխնախարարն ու ՀՀ լիազոր ներկայացուցիչն ընդգծեցին, որ երկրները հաջողությամբ համագործակցում են երկկողմ և բազմակողմ ձևաչափերում և աջակցում միմյանց միջազգային հեղինակավոր կառույցների շրջանակներում։

Նշվեց, որ համատեղ միջկառավարական հանձնաժողովի գործունեությունը մեծ դեր է խաղում առևտրատնտեսական կապերի ակտիվացման գործում։

Զրույցի ընթացքում կողմերը նշել են այս տարվա հոկտեմբերին ՀՀ նախագահ Վահագն Խաչատուրյանի մասնակցության կարևորությունը «Ժամանակների և քաղաքակրթությունների հարաբերությունները՝ խաղաղության և զարգացման հիմքը» միջազգային համաժողովում, որը նվիրված է Մախտումկուլի Ֆրագիի ծննդյան 300-ամյակին։

Դիվանագետներն անդրադարձել են նաև մշակութային և հումանիտար ոլորտում կապերի կարևորությանը` որպես ժողովուրդների մերձեցմանը նպաստող անբաժանելի գործոնի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր