ՀՀ մշակույթի նախարարի պարտականությունները կատարող Նազենի Ղարիբյանի գլխավորած պատվիրակության այցը Թուրքմենստան

16 մայիսի, 2019

ԱՊՀ անդամ պետությունների ստեղծագործական և գիտական ոլորտների մտավորականության 14-րդ համաժողովին մասնակցելու նպատակով Աշխաբադում գտնվող հայկական պատվիրակությունը, ՀՀ մշակույթի նախարարի պարտականությունները կատարող Նազենի Ղարիբյանի գլխավորությամբ, ս.թ. մայիսի 16-ին այցելել է Թուրքմենստանում ՀՀ դեսպանություն:

ՀՀ դեսպանը նախ շնորհավորել է Ն. Ղարիբյանին ԱՊՀ անդամ պետությունների հումանիտար համագործակցության միջպետական հիմնադրամի կառավարման խորհրդում (վարչությունում) և Անկախ պետությունների համագործակցության մասնակից պետությունների հումանիտար համագործակցության խորհրդում Հայաստանի Հանրապետության լիազոր ներկայացուցիչ նշանակվելու կապակցությամբ:

Ապա պատվիրակությանը ներկայացվել են ՀՀ դեսպանության գործունեության տարբեր ուղղությունները, ջերմ և անկաշկանդ զրույցի ընթացքում քննարկվել են հայ-թուրքմենական հարաբերությունների հետագա ընդայնման հնարավորություներին վերաբերող հարցերի լայն շրջանակ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր